مقارنه بين Fiat Bravo & Golf 6

Fiat Bravo 1.4L , 150 HP , T-Jet

السياره

موديل السياره: فيات برافو
التصنيف: هاتش باك (5 أبواب)
الشركه المصنعه: فيات
بلد المنشأ: ايطاليا
الموقع الالكتروني: Fiat.it - Starting Page
الضمان: 3 سنوات أو 60,000 كم (أيهما أقرب)
السعر: 170,000 جنيه

المحرك

السعه: 1368 سي سي (Turbo Charged)
عدد الاسطوانات: 4 متتاليه
عدد الصمامات: 16
نسبة الانضغاط: 9.8
نوع الوقود: بنزين
تدريج الوقود الموصى به: 95
وسيلة حقن الوقود: بخاخ + تربو
انبعاثات ثاني أكسيد الكربون: 167 جم\كم

الأداء

أقصى قوه: 150 حصان \ 5500 rpm
أقصى عزم: 210 نيوتن.متر \ 2250 rpm
التسارع: 0-100 كم\س في زمن قدره 8.5 ثانيه
أقصى سرعه: 212 كم\س

عجلات الدفع و ناقل الحركه
النوع: جر أمامي
المقود: كهربائي (يقسو حسب السرعه)
علبة التروس: يدوي
عدد السرعات: 6 أماميه + 1 خلفيه
الاطارات: جنوط مقاس 17" (225\45مم)

الفرامل: ديسكـات أماميه و خلفيه

الموضوع كامل اضغط هنا

Read more »

لتعديل عربيتك ننصح ب G.R Performance

We do anything you want for your car: Custom-ed Body Kits, Rims & Wheels, Exhausts, Head or Tail Lights, Air Intake Filters, Back Fire, Xenon, Sports Seats, Sport Brakes, Headers, Engines, Gauges, Air Brush, Sound System... etc.

We can sell you anything you want for TUNING ONLY, non stock parts.

Check our "Photos" to be known for every thing we have for sale.

For More Information contact us please.
 

Gobe (Performance) : 0105676425

Hatem (Sound System) : 0112566174

Office:

Block 6, El-Herafyeen City, Salam, Next to [El-Matarawy Exhuasts].

Location:

Cairo, Egypt

Read more »

مقارنه بين Mini Cooper S VS Sirocco

الموضوع كامل اضغط هنا

Read more »

دليلك لنظام صوتي مميز لسيارتك

موضوع خفيف عن النظام الصوتي للسياره و مكوناته


مكونات النظام الصوتي:
1- السماعات بأنواعها
2- المضخمات
3- المسجلات و توابعها


و نبدأ




السماعات




طبعا السماعات وظيفتها الأساسيه هي إخراج الصوت و تقاس قوة السماعه بالواط و هناك عدة انواع من السماعات و هي:
1- سماعات الأصوات الضعيفه : و تسمى أيضا تويترز tweeters وظيفتها إخراج الأصوات ذات الترددات المنخفظه بشكل واضح و ممكن تلاحظوها في الموديلات الجديده و هي السماعات الصغيره الموجوده في الأمام او مثل اعمل زي اللي في الصوره اللي شاري تجاريات و مركبها فوق الحزام.

الموضوع كامل اضغط هنا

Read more »

مقارنه بين C class Coupe & 3 series Coupe

كيف ترى أول أجيال السى كلاس كوبيه مقارنة بالجيل الخامس من الفئة الثالثة كوبيه ؟؟ هل تستمر بى ام دبليو فى التمييز أم تخطف مرسيدس الأضواء ؟؟

الموضوع كامل اضغط هنا

Read more »

Pic For 2012 Mercedes C Class Coupe

بعد أن سيطرت بى ام دبليو على هذا القطاع من السيارات لربع قرن من الزمان بدأ المنافسين فى التتابع فكان أولهم أودى عن طريق ايه 5 كوبيه و كابريو و الآن مرسيدس بنز تطلق لأول مرة فى التاريخ نسخة كوبيه من الجيل الحالى من سى كلاس لتشتعل المنافسة فى هذه الشريحة بين الثلاثى الألمانى 

الموضوع كامل اضغط هنا

Read more »

Modified Cars

Read more »

أستخراج أفضل أداء من موتور عربيتك بلا تعديلات .

زى ما أحنا عارفين مواتير السيارات بتبقى خارجة من المصنع وبتطلع عزم معينة وهورس باور معين, وللأسف المواتير بتضعف مع الأستهلاك وممكن الموتور يفقد الى 50% من قوته الأصلية بسبب قلة العناية بيه, وفى الغالب جميع العربيات اللى ماشية فى الشارع الموتور بتاعها مابيطلعش غير 70% من قوته الأصلية.
الموتور عبارة عن منظومة متاكملة كل قطعة فيه بتعتمد على قطعة تانية, لو حاجة باظت ومأ تغيرتش بتأثر على حاجة تانية وهكذا وتؤثر على الموتور ككل.وللحصول على أفضل أداء من الموتور الحالى بدون تعديلات يجب مراعاة الأتى:-

1- ودى أهم حاجة, تغيير فلتر البنزين كل 3000 كيلو, البنزين فى مصر مليان شوائب حتى لو 98 والفلتر بيتسد قبل معاد تغييره وبيخنق العربية والسحب بيقل

Read more »

كل شئ عن التربو (turbo) و طريقه عمله و فوائده و اضراره

استخدم التربو لاول مرة فى صناعة الطائرات الحربية فى الحروب العالمية و ذلك قبل استخدامه فى السيارات و كانت الفكرة منه طبعا هيا زيادة قوة الطائرات ايضا.
فكرة استخدام الشواحن التربينية فى صناعة السيارات ولدت فى اوروبا باستخدامها فى المحركات ذات الاداء العالى
(High performance) ذات الثمانية اسطوانات والتى خصصت لسيارات سباقات الفورميلا والتى كانت تسمح قوانينها فى تلك الفترة باستخدام الشواحن و كانت اول سيارة تجارية تستخدم التربو هى ساب900 و التى انتجت سنة 1978 م.

ماهوا التربو ؟

الشواحن التربينية (Turbo) هى اجهزة تساعد المحرك على حرق المزيد من الوقود و ذلك عن طريق ادخال المزيد من الهواء للمحرك
مع ضغطه يصورة اكبر حتى نزيد من نسبة اشتعال الوقود داخل غرفة الاحتراق.

فكرة عملة:

ضخ و ضغط كمية من الهواء للمحرك عن طريق المروحة المثبتة فى

Read more »

أزاى تعمل نظام صوت صح وميتضحكش عليك؟

هنتكلم فى الموضوع ده عن شوية أساسيات ومفاهيم لازم تكون معروفة لأى حد بيشترى سماعات, بحيث يكون موضوع شامل بداية من شراء السماعة حتى تركيبها.

دلوقتى السماعات بتشتغل أزاى وفيه موضوع فى القسم وعرفناها, لكن النظام الصوتى كله بيشتغل أزاى؟

علشان تعمل نظام صوتى يشتغل بأحسن قدرة ليه, أنت محتاج 3 حاجات, جهاز بيخرج أشارة صوتية, أمبليفاير Amplifier (يطلق عليه فى مصر "جى أم") علشان يكبر الأشارة للسماعات علشان تشتغل بيها وسماعات مناسبة للأمبليفاير.

دلوقتى أنت عايز تغير سماعاتك الأصلية بسماعات أحسن, سواء فى جودة الصوت أو علو الصوت, والسماعات الأصلية بتبقى مصنوعة من الورق المقوى, وقدرتها قليلة جدا, بدليل لما بتعلى الكاسيت عن درجة معينة بتسمع خروشة جاية من جسم السماعة نفسها, مش كصوت صادر من السماعة, لأ صوت أحتكاك الرق والمغناطيس ببعض نتيجة لأن السماعة جابت أخرها.

فلازم تعرف شوية حاجات:-

1- أول حاجة طبعا لازم تعرف مقاس السماعات اللى عندك كام, ومستعد تقطع فى الصاج علشان تركب سماعات أكبر ولا لأ.

ولنفترض أن مقاس السماعات عندك 16 سم, دلوقتى ممكن تجيب سماعات مقاسها 16 سم وتركبها عندك, مجرد تفك الكوبستة والسماعات القديمة, وتركب الجديدة, ومبروك عليك.

(pioneer 280 watt 4-way)


أو تجيب سماعات بيضاوى, ودول ممكن يتركبوا بطريقتين, الأولى عن طريق أن صنايعى بيقطع فى الصاج والكوبستة الخشب مكان السماعات القديمة, ويركب الجديدة مكانها, أو بتشترى مايسمى بالقواعد, وبتركب السماعات القديمة فيها, وهى صناديق خشب مستطيلة الشكل واطية الأرتفاع, وبتسيب الصاج فى حاله.

وجدير بالذكر أن صوت البيضاوى فى الغالب أحسن من المدور, لأنهم أقوى وبيحتووا على 3سماعات أو 4 سماعات فى بعض (أسمها سماعات 3 واى وسماعات 4 واى) ومعناها أن السماعة البيضاوية ككل فيها جزء بيطلع الأصوات الحادة لوحده, وجزء بيطلع البيز اللى هو الرق الكبير, وجزء بيطلع الأصوات اللى فى النص, بالتالى الصوت أنقى وأفضل.

pioneer 400 watt 4-watt


2- بعد مشكلة المقاس, دلوقتى الكاسيت عندك بيطلع خرج معين بتشتغل عليه السماعة, بيبقى فى حدود من 35 وات الى 65 وات حسب الكاسيت, وبيبقى مكتوب عليه من بره, الوات ده هو أقصى وات بيطلعه الكاسيت للسماعة, وده قليل جدا علشان كده الناس بتجيب أمبليفايرات.

وأنت عايز سماعات بس مش عايز وجع دماغ, فابتروح تجيب سماعات فى حدود من 100 وات الى 300 وات أقصى حاجة, والسماعات هتشتغل, بس الكاسيت مش هيشغلها بأقصى طاقتها, بس لو السماعات نوعها نضيفة, هتسمع أنقى صوت ممكن تسمعه من الكاسيت, وهتقدر تعلى لغاية مالكاسيت هو اللى يخروش مش السماعات.



3- المشكلة التالتة, دلوقتى حضرتك جبت السماعات وبتركبهم بنفسك, الكاسيت القناة الواحدة اللى بتركب عليها السماعة بتبقى سالب وموجب, بتدخل السالب فى السالب بتاع السماعة, والموجب فى موجب السماعة.

المفروض أن السماعتين يتركبوا بنفس القطبية, يعنى لازم الأثنين يتركبوا السالب مكانه والموجب مكان, أو العكس بس فى السماعتين, لأنك لو وصلت سماعة عكس التانية, الصوت الخارج من سماعة هيلغى اللى خارج من التانية وبالتالى بتلاقى السماعة بتتهبد بس أنت مش سامع حاجة, لأنك موصل واحدة عكس توصيلة التانية, وبالتالى واحدة بتشتغل فوق تحت, التانية بتشتغل تحت فوق وبيكنسلوا بعض.

شوية كلام: لازم لازم السماعتين يتثبتوا كويس, ومايكونش فيه حاجة بتعيق حركة الرق بتاعها, علشان متسمعش صوت أهتزازات وزن مالوش داعى, ولازم توصل السماعات كلها نفس التوصيلة, يعنى يا أما توصلهم كلهم موجب سالب أو كلهم سالب موجب, وياريت تركب الغطاء اللى جاى مع السماعة عليها أو يكون فيه حاجة تحميها من الشمس وال"قطع" والحوادث.

وأهم حاجة, اللى عايز يسمع صوت كويس يبعد تماما عن الصينى, لأنه مابيعيش, ولأن صوته مقارنة بمثيله البايونيير والكينوود كنقيق الضفاضع.

دلوقتى بقى, أزاى تجيب السماعات الصح, لو رحت لواحد تسأله على سماعة أو حتى صب لكمبيوتر, هتلاقيه بيشاورلك على حاجة صينى زبالة ويقولك دى ب50 جنيه و 700 وات, طب ياعم الطاقة لاتفنى ولاتستحدث من عدم, ال 50 جنيه هيعملوا 700 وات, يقولك أه.

الرقم اللى هو بيقوله ده أسمه الماكس وات max wattage أو p.m.p.o, والرقم ده مابيتقاسش بأداة, يعنى مافيش حاجة بتحدده غير الشركة المنتجة, وبتلاقى صبات كمبيوتر ب300 جنيه مكتوب عليها 15000 وات, وهى مبتعملش غير 50 فى الطبيعة, والرقم ده معناه أقصى وات السماعة تقدر تشتغل بيه وتطلع صوت كويس لثوانى معدودة من غير خطر عليها, وبالتالى أنا ممكن أقول رقم وواحد تانى يقول رقم لأختلاف تعريف كلمة "كويس" مابيننا.

1000 وات, فى قبضة يدى


فلازم تاخد حذرك جدا لو قررت تشترى من ماركة غير عالمية, علشان هتتخم هتتخم.

وده اللى بيخلى شركة ليها سمعتها زى بايونيير تكتب على السماعة 200 وات, وشركات بير السلم تكتب على سماعة 700 وات, وطبعا الأولانية خيال فى نقاء وعلو الصوت بالنسبة للتانية.

تانى حاجة, ال RMS أو النومينال وات nominal wattage, وده بقى أعلى وات تقدر السماعة تشتغل بيه فترة طويييييييلة بدون خطر عليها وتطلع صوت كويس, وده مع الماكس وات بيحددوا صلاحية السماعة للأستخدام, والرقم ده بيبقى مكتوب بخط صغير على علبة السماعة من بره وعلى ضهر السماعة.

وده الرقم اللى فى الأساس بيحدد فعلا جودة السماعة, يعنى السماعة الصينى اللى فى الأمثلة السابقة, 700 وات ماكس, يافرحتى ماهى 30 وات نومينال بس, بينما البايونيير أو الكينوود فى حدود 300 وات ماكس بيطلعوا 60 وات نومينال, بالتالى صوتهم أفضل وأعلى 100 مرة من السماعة الصينى الكدابة, ومابتوشش لما بتعلى الصوت لأنها لسه فى الرينج بتعا الأمان بتاعها.

فأنت عايز تجيب سماعة ماتحورش عليك, فبتجيب حاجة النومينال بتاعها يكون أقل أو أكبر من وات الكاسيت فى حدود 15 وات مش أكثر علشان مش هتستفيد بيه, ولا أقل علشان تعلى براحتك, والماكس بتاعها مش مهم قوى لأنها أصلا النومينال بتاعها قد الماكس بتاع الكاسيت الضعيف.

بالتالى أنت محتاج سماعة نوعها نضيف, تكون فى حدود من 100 وات الى 300 وات ماكس, بس تكوت بتكلع من 35 وات نومينال الى 65 وات.

فأنت عايز حاجة تغطى وات الكاسيت كله بس تشتغل عليه كله برضه بجودة عالية, ولذلك البايونيير والسونى والكينوود وغيرهم ب 200 جنيه مثلا, بينما الصينى ب 60 جنيه.
_______________________________________________________________________________________________________________________________________
نيجى لجزئية الأمبليفاير, زى ماقلنا الكاسيت خرجه للسماعات ضعيف جدا, وبيطلع أقل من نص اللى السماعات محتاجاه علشان تشتغل بقدرتها الكاملة, طب أحنا عايزين صوت أقوى, فبنجيب أمبليفاير.

النظام الصوت زى ماقلنا بيتكون من مصدر أشارة, أمبليفاير, سماعات, النظام العادى الكاسيت بيبقى فيه مصدر الأشارة والأمب علشان كده صوته ضعيف, أنما النظام ده, الكاسيت بيطلع أشارة ضعيفة جدا, والأمبليفاير بياخدها يضخمها علشان السماعات تشتغل بيها.

الأمبليفاير زى الكاسيت بياخد عدد معين من السماعات, كل سماعة بياخدها بتسمى قناة, ففيه أمبليفاير 4 قنوات, وأمبليفاير 2 قناة, وأمب 1 قناة, كل قناة بسماعة.

الكاسيت العادى فى الغالب 4 قنوات كل قناة بسماعة.

دلوقتى أنت عايز تجيب أمب لسماعتين جداد أقوياء, بتجيب أمبليفاير قناتين.

kenwood 350 2Channel amp


طب أفرض الكاسيت مش عاجبك ومش عايز توصل عليه سماعات وعايز تجيب أمب و4 سماعات, بتجيب أمبليفاير 4 قنوات.

ونيجى بقى لنقطة مهمة أوى, أغلب الأمبليفايرز ينفع يتعملهم بريدج أو جسر بين قناتين أو سماعتين علشان تشغل سماعات بواط أعلى, أو صب أو حتى 4 سماعات على أمب 2 قناة.

لو عندك أمبليفاير 2 قناة 400 وات مثلا, الصب محتاجة قناة واحدة تديها 1000 وات علشان تعمل الفرح الصح, فأنت بتقوم موصل سالب الصب على قناة, والموجب بتاعها على القناة التانية, أو العكس, المهم تجمع سالب من قناة وموجب من التانية, وبكده القناتين مع بعض بيدوا الصب حوالى 800 وات مع بعض, وبتقدر تشغلها كويس.

نفس الحوار, عندنا أمب 4 قنوات وصبين وعايزين نشغلهم على الأمب, بتقوم جامع كل قناتين بنفس الطريقة, وتوصل كل صب على قناتين.

طب أفرض عندنا أمب قناة واحدة 800 وات وعايزين نوصله على سماعتين الواحدة 500 وات مثلا, بتقوم موصل السماعتين على التوالى أو التوازى ودى جزئية طويلة وصعب شرحها دلوقتى غير أنها خطرعلى الأمب والسماعات, فهنتجاهلها.

المهم, علشان تشترى أمب وسماعات أو أمب وصب, أيه المطلوب؟

الأول: دلوقتى أنت هتجيب الأمب أو السماعات الجديدة الأول, طبعا تجيب الأمب لو عارف هتجيب باقى النظام أزاى, أو السماعات لو ماشى تاتا تاتا.

لو هتجيب سماعتين 300 وات, يبقى أساسا هتجيب أمب قناتين, الوات بقى ده موال, مشابه لموال النومينال وات والماكس وات أعلاه, بس تسهيلا, لما بتجيب أمبليفاير ماركة نضيفة, مبتهتمش بالنومينال أوى, لأنك عارف أنه هيطلع نومينال كويس, ولأن الماكس وات بتاعه كده كده هيغطى على قدرة السماعات.

(pioneer 400watt 3-way)


ففيه مدرستين فى الوات, مدرسة بتقول تجيب الأمبليفاير أصغر من السماعات بحوالى 50 وات, المهم مايكونش أكبر من الوات بتاعها, ليه ياسيدى, علشان السماعات متضربش من قوة الامب لو عليت الأمب والكاسيت على الأخر, بس أنت كده عمرك ماهتقدر تخلى السماعات تخروش (توصل لأعلى قوة ليها), ده غير أن مافيش حد هيعلى الكاسيت والأمب على الأخر ويسيب السماعات تخروش الا لو العربية بحاجتها جاية له هدية.

المدرسة التانية بتقول تجيب الأمب أعلى من الوات اللى أنت محتاجه بشوية, يعنى أمبليفاير 350 قناتين مثلا لسماعتين 300, علشان تقدر تستفيد من السماعات تماما و تقدر تعلى على الأخر, بس تاخد حذرك فى موضوع التعلية أو تظبط الأمب كويس.

فالمدرسة اللى تعجبك أتبعها, نرجع لمثالنا سماعتين 300 وات, هتجيب أمبليفاير قناتين 350 أو 400 أو 300 أو 250 وات ماكس.

صب 1000 وات, أمبليفاير 400 قناتين وتعمل بريدج يطلعلك 800 وات.

أو أمب 600 وات تعمل بريدج يطلع 1200 وات

أو أمب 1قناة 1000 وات.

وكله حسب فلوسك والمدرسة اللى بتتبعها.
__________________________________________________________________________________________________________________________________________
المصيبة الكبيرة, الصب

(Rockford Fosgate P2)


الصبووفر هى سماعة مخصصة لأنتاج الترددات المنخفضة فقط, على عكس السماعات البيضاوى والمدورة اللى بتنتج كل الأصوات والترددات فى الغالب, الصب متخصصة فى أنتاج البيز بس, وأى صوت تانى بيقصر من عمرها وبيبوظها.

وبالتالى الأمبليفاير بتاع الصب (أو من الكاسيت) لازم يتظبط بأى طريقة أن الصب تطلع بيز بس علشان هى غير مصممة لباقى الترددات.

فده يدينا حاجة مهمة, هل عمرك سمعت أغنية كلها بيز بس, كل اللى هتسمعه هو "ووووووووووووووووووو" " ودب دب دب", وبكده النظام مش هينفع, لازم حاجة تعادل البيز وتطلع باقى الترددات مع الصب, زى السماعات البيضاوى أو المدورة (يفضل البيضاوى)

الصب تتراوح مقاساتها من 8 الى 10 الى 12 الى18 و15 بوصة وهكذا, كله موجود, وكلما كانت الصب أكبر كل ما أحتاجت طاقة أعلى, وكل مالبيز بتاعها بقى أقوى وأحسن.

الصب بتنقسم لجزئين, الصب والصندوق اللى هتتحط فيه, الصب من غير صندوق كويس ولا حاجة, وصب 8 فى صندوق مظبوط صح وتصميمه كويس تهزم صب 15 بصندوق أى كلام.

ولنا موضوع أخر فى صناديق الصب وكيفية تصميمها وأنواعها, صندوق الصب الجاهز بيعمل من 80 جنيه الى 150 جنيه, حسب جودته وتصميمه وحجمه.

(RF Sub box)



الأمبليفاير بتاع الصب لازم يكون كبير علشان يشغلها كويس, سواء ببريدج كأغلب الناس مابتعمل أو قناة واحدة.

لصب من 800 الى 1400 وات ممكن التالى, أمب 400, أو 600 أو 800 قناتين, ويتعمل البريدج وتشغل, أو جى أم قناة واحدة يطلع 1000 وات

لصبين 1000 مثلا, ممكن جى أم لكل واحد, أو جى أم 4 قنوات 600 وات مثلا, وبريدج لكل قناتين ويبقى معاك قناتين من الأمب كل واحدة 1200 وات تقريبا وتروح واحدة لكل صب.

______________________________________________

وأنظمة الصوت المعقدة بتتكون من عدة مكونات, كلها بتبقى فى السماعات البيضاوى, وهى:-



1- التويترات, وهى سماعات صغيرة جدا وتتخصص فى أصدار الأصوات عالية التردد زى سسسسسسس مثلا, الأصوات الحادة يعنى.

2- الميد رينج : وهى سماعة صغيرة قطرها حوالى 2 الى 3 بوصة, بتصدر الأصوات العادية ماعدا البيز والأصوات الحادة.

3- الصب: وهى تختص بالأصوات الهبيطة أو البيز فقط.


والأنظمة اللى الواحد ممكن يركبها أحتمالاتها غير متناهية, يعنى ب 1000 جنيه ممكن أركب بازوكا وأمب فقط (بالميت) أو صب وصندوقها وأمب, أو صبين وصندوق ليهم وأمب (بالميت برضه) أو 4 سماعات وأمب, أو صب وصندوق وسماعتين وأمب, أو صب و 2 ميدرينج و 2 تويتر, وهكذا.

ده غير القدرات, صب 1000 وات ممكن أمب قناة واحدة 1000 أو أمب قناتين 400 أو أمب قناتين 500 أو 600

فالموضوع ده كل غرضه التعريف بالفلسفة العامة لأنظمة الصوت, وتفريغ للى الواحد أتعلمه فى سنوات من التجربة والنت وتضييع الفلوس, واللى أتخرج بيه حاجتين:-

1- الغالى ثمنه فيه.

2- الماركة مش ماركة من شوية, أوعى تشترى صينى بير السلم.

والحاجات اللى فوق دى مش كل حاجة أعرفها, دى حاجات بسيطة, فيه حاجات تانية أكثر تعقيدا وقرفا وغالبا محدش ولا حتى الناس اللى بتبيع صبات بيعتدوا بيها, والكلام اللى فوق ده برضه لا يغنى عن نصيحة مهندس صوتيات أو متخصص فى المجال.

وملحوظة على جنب : بازوكا شركة سماعات زى ما "ديفل" شركة علب شكمان, لكن الأسم لزق مع المصريين, وأسم البازوكا الحقيقى هو بيز تيوب أو أنبوب البيز Bass Tube.

Read more »